Кина се противи на планот на САД за продолжување на санкциите на Иран

АНКАРА

Кина се спротивставува на потегот на Соединетите Американски Држави (САД) за проширување на ембаргото на оружје на Обединетите нации (ОН) против Иран, објавија државните медиуми, пренесува Агенција Анадолија (АА).

„Во соопштението на Советот за безбедност на ОН, Џанг Ѓун, постојаниот претставник на ОН за Кина, го повика Вашингтон да престане со нелегалните еднострани санкции за Иран“, објави новинската агенција „Синхуа“.

„Основната причина за тековната криза е повлекувањето на САД од иранскиот Договор за нуклеарната програма во мај 2018 година и повторното поставување еднострани санкции против Иран“, рече тој.

Тој рече дека Вашингтон одлучил да стави крај на олеснувањата од санкции за нуклеарните проекти и се залага за продолжување на ембаргото за оружје на ОН за Иран, кое истекува во октомври.

„Ова повторно ги поткопа заедничките напори за зачувување на JCPOA [Заедничкиот сеопфатен план за акција]“, рече Џанг.

Тој истакна дека Договорот е одобрен од Советот за безбедност на ОН и „е правно обврзувачки“.