Кремљ: Путин е подготвен да се сретне со Трамп

МОСКВА (АА) - Рускиот претседател Владимир Путин е подготвен да се сретне со новоизбраниот претседател на САД, Доналд Трамп, изјави денес портпаролот на Кремљ, Дмитриј Песков, јавува Анадолу.

Прашан на брифингот со новинарите во Москва дали Русија поставува какви било услови за таква средба, Песков рече дека е потребен само заеднички интерес за средба.

„За ова не се потребни никакви услови. Потребна е заемна желба и политичка волја да се вклучиме во дијалог и да се решат постоечките прашања преку дијалог“, рече тој.

„Москва ја поздрави намерата на новоизбраниот американски претседател да ги реши прашањата преку дијалог“, истакна тој.

Песков, исто така, рече дека претставниците на Трамп сè уште не стапиле во контакт со руската страна, но дека тоа може да се случи по неговата инаугурација.