БЕЈРУТ (АА) - Либанскиот министер за надворешни работи, Абдала Бу Хабиб, ги повика земјите од светот да покажат солидарност со Либан и да го зголемат притисокот врз Израел да ги запре нападите, известува Анадолу.

Министерот Бу Хабиб потсети дека некои земји издаваат предупредувања за патување во неговата земја поради постојаните израелски закани кон Либан.

Посочувајќи на предупредувањата за патување, либанскиот министер рече дека таквите предупредувања предизвикуваат вознемиреност кај либанските граѓани.

„Во рамките на систематска кампања на психолошки притисок, овие изјави кои предизвикуваат вознемиреност кај граѓаните и посетителите, треба да се заменат со ставови кои изразуваат солидарност со Либан“, рече Бу Хабиб.

Тој повика да се изврши посилен притисок врз Израел.

„Со цел да се заштитат безбедноста, стабилноста и територијалниот интегритет на Либан, мора да се зголеми притисокот врз Израел да ги запре воените напади“, истакна министерот Бу Хабиб.

Тензиите се зголемија долж границата на Либан со Израел поради прекуграничните напади меѓу Хезболах и израелските сили, во време кога Тел Авив ја продолжува својата брутална офанзива на Појасот Газа, во која се убиени повеќе од 37.700 палестинци од 7 октомври минатата година.