Либија: Пожар во околината на Американската амбасада во Триполи

ТРИПОЛИ (АА) - Во околината на комплексот на Американската амбасада во главниот либиски град Триполи изби пожар, пренесува Anadolu Agency (AA).

Локалните медиуми јавуваат дека над комплексот на Амбасадата се издигнува густ чад, а очевидците тврдат дека на таа локација се слушаат пукотници.

Сѐ уште нема официјални информации за деталите.

Триполи од 27 август е средиште на вооружени судири меѓу ривалските бригади поддржани од Владата на национално единство на Либија.