Либија: Силите на Хафтар нападнаа воен камп во Триполи

ТРИПОЛИ (АА) - Силите лојални на Калифа Хафтар денеска извршија воздушен напад во јужниот дел на Триполи, јавува Anadolu Agency (AA).

„Локалните медиуми јавуваат дека нападот бил насочен кон воен камп на милицијата, во согласност со Владата на Националната спогодба (GNA), поддржана од ОН во областа Аин Зара“, објавија медиумите.

Не се дадени информации во врска со жртвите.

Локалните жители велат дека виделе неколку воени авиони над главниот град утринава.

Минатата недела Хафтар лансираше воена кампања за заземање на Триполи, каде што се наоѓа седиштето на ГНА.

Либија е средиште на превирања од 2011 година, кога востанието поддржано од НАТО доведе до соборување и смрт на дотогашниот лидер Муамер Гадафи, кој беше на власт во земјата цели четири децении.

Оттогаш, силните политички поделби во земјата создадоа две ривалски места на моќ: едно во источниот град Бенгази, каде што се сконцентрирани силите на Хафтар, а другото во Триполи, поддржано од ОН.