Литванија бара построг став на САД кон Русија за време на мировните преговори

ИСТАНБУЛ (АА) – Литванскиот министер за надворешни работи, Кестутис Будрис, денес го повика Вашингтон да заземе построг став кон Москва, додека напредуваат разговорите за мировниот договор меѓу Русија и Украина од 28 точки, подготвен од САД, јавува Анадолу.

Во разговор за радиодифузерот ЛРТ, Бадрис изрази надеж дека американската администрација ќе заземе поцврст став кон Москва како што напредува мировниот план.

„Можеме да поставиме рокови, но многу е важно да се држиме до нив и да наведеме што ќе се случи ако не се исполнат“, објасни тој.

„Нема потреба да се врши притисок врз Украина тука. Русија е таа врз која мора да се изврши притисок“, додаде тој.

Рамката од 28 точки, чии детали беа објавени претходно овој месец, се чини дека бара од Украина да ѝ предаде дополнителна територија на Русија, да го ограничи бројот на војници и да се откаже од својата кандидатура за членство во НАТО.