Макрон ја повика Русија да остане одговорна сила

ПАРИЗ (АА) - Францускиот претседател Емануел Макрон изјави дека не разговарал со рускиот претседател Владимир Путин по откривањето на злосторствата во украинскиот град Буча и ја потврди својата решеност следната недела да ги продолжи преговорите за прекин на огнот, доколку биде избран на претседателските избори, јавува Агенција Анадолија (АА).

„Доколку Французинките и Французите ми веруваат, ќе имам можност да му се јавам од следната недела“, рече Макрон додека водеше кампања во париското предградие Сен Дени пред последниот круг од претседателските избори на 24 април.

„Макрон беше критикуван од европските лидери за интеракција со Путин, и покрај тоа што Кремљ ги отфрли повиците за прекин на огнот или за забавување на борбите во Украина. Повиците за прекин на огнот не дадоа резултати“, изјави украинскиот претседател Владимир Зеленски.

Макрон рече дека е важно Европа да остане „обединета и будна“ и да продолжи со дијалогот со сојузниците за да испрати јасна порака до Русија дека „не смее да има ескалација“.

Тој ја повика Русија „да остане одговорна сила“ и дека како нуклеарна сила не смее „да попушти на каква било форма на провокација, бидејќи тоа би било длабока промена во меѓународната граматика“.

Во објава на Твитер, тој ја повика Русија да дозволи хуманитарен пристап и да дозволи илјадници цивили заробени во Мариупол да го напуштат градот бидејќи ситуацијата само се влошува.

Рускиот министер за одбрана, Сергеј Шојгу, денеска изјави дека Руската армија ја презела контролата врз опколениот украински пристаништен град Мариупол.