Министерството за одбрана на Турција: Меѓународната јавност треба да го крене гласот против Ерменија

АНКАРА

Меѓународната заедница би требала да го крене гласот против Ерменија, порача Министерството за одбрана на Турција, јавува Агенција Анадолија (АА).

На профилот на социјалната мрежа Твитер на турското Министерство објавени се фотографии од последните ерменски напади врз азебејџанските населби.

Во постот е нагласено дека Ерменија, која извршила воени злосторства и злосторства против човечноста, сега го крши примирјето.

„Ерменија продолжува да ги напаѓа цивилните населби дури и во примирје. Меѓународната јавност треба да го покрене гласот против Ерменија", порачаа од Министерството.

Утрово во ракетен напад на ерменските сили врз азрбејџанскиот град Генце убиени се девет, повредени се најмалку 34 цивили, меѓу кои и деца.