НАСА: Распадот на рускиот сателит предизвика загриженост за безбедноста на астронаутите на МВС

ИСТАНБУЛ (АА) – Американската агенција за аеронаутика и вселена (НАСА) објави дека распадот на рускиот сателит во ниската орбита на Земјата предизвикал загриженост за безбедноста на астронаутите на Меѓународната вселенска станица (ISS), пренесува Анадолу.

Во соопштението се наведува дека сателитот „Ресурс-П1, кој Русија го повлече од употреба, се распаднал во ниската орбита на Земјата, што се однесува на надморска височина помеѓу 160-2.000 километри околу Земјата, и дека остатоците од сателитот ги принудиле астронаутите на ISS да се повлечат на безбедно за време на едночасовната опасност.

Весникот „Гардијан“ објави дека НАСА изјавила дека делови од сателитот „Ресурс-П1“ накратко претставуваат загриженост за безбедноста на астронаутите на МВС и дека ја зголемиле масата на вселенски отпад што моментално се наоѓа во орбитата.

Американската вселенска команда, која ги следи деловите од „Ресурс-P1“, исто така, рече дека сателитот е скршен на повеќе од 100 парчиња и дека парчињата не претставуваат непосредна закана за другите сателити.

Истакнувајќи дека причината за распадот на сателитот сè уште не е утврдена, НАСА и Вселенската команда на САД соопштија дека инцидентот се случил вчера.