Најмалку 11 лица загинаа, а 14 се исчезнати по поројните дождови во североисточна Кина

ПЕКИНГ (АА) - Најмалку 11 лица загинаа, а 14 се водат за исчезнати по поројните дождови и настанатите поплави во провинцијата Лиаонинг во североисточна Кина, објавија вчера државните медиуми, пренесува Анадолу.

Силниот дожд што предизвика поплави во местото Хулудао, во крајбрежната провинција Лиаонинг погоди илјадници луѓе во регионот.

Од поплавите се засегнати 188.757 лица, а се проценува штета на инфраструктурата од околу 1,3 милијарди евра.

Спасувачките екипи вложуваат огромни напори за да ги евакуираат погодените луѓе на безбедни места.

Силниот дожд и поплавите ги прекинаа железничките услуги и летови во кинеската економска провинција Гуангдонг во четвртокот. Властите евакуираа повеќе од 86.000 луѓе на безбедни локации.