Најмалку 11 ранети во напад на израелската армија врз станбена зграда во Бејрут

БЕЈРУТ (АА) - Најмалку 11 лица се ранети во напад на израелската армија врз станбена зграда во населбата Дахије во Бејрут, главниот град на Либан, известува Анадолу.

Либанското Министерство за здравство објави дека израелски воени авиони бомбардирале станбена зграда во областа Дахије, на југот на Бејрут.

Според првичните информации, во нападот се повредени 11 лица, а во околината е причинета голема материјална штета.

Израел започна голема воздушна кампања врз Либан против, како што вели, цели на Хезболах по едногодишната прекугранична војна меѓу Израел и либанската група Хезболах што избувна по бруталната израелска офанзива на Појасот Газа.

Израел го прошири конфликтот на 1 октомври оваа година со напад врз јужен Либан.

Во израелските напади се убиени повеќе од 2.800 Либанци, а околу 13.000 се повредени од октомври минатата година, објавија либанските здравствени власти.