НБА: Со уривањето на сопствениот рекорд Јокиќ му донесе победа на Денвер Нагетс

АНКАРА

Синоќа се одиграа 9 натпревари во американската Национална кошаркарска лига. Во Западната конференција екипата на Денвер Нагетс која се бори за врвот, како гостин ја совлада Атланта Хоукс со 115:123 и стигна до 25. победа сезонава, јавува Агенција Анадолија (АА).

Нагетс, кој се наоѓа на втората позиција во Западната конференција, благодарение на извонредната игра на својот центар, српскиот интернационалец Никола Јокиќ, стигна до значајна победа. Јокиќ постигна 47 поени, 8 скока, 5 асистенции, уривајќи го сопствениот рекорд на постигнати поени на еден натпревар. Свој удел во победата на Нагетс дадоа и Вил Бартон со 28 поени, 9 скока и Џамал Мареј со 16 поени и 8 асистенции.

Хоукс го претрпе својот 29. пораз сезонава, а најдобар перформанс покажаа Тре Јанг со дабл-дабл учинок од 29 поени, 12 асистенции, Кевин Ертер со 22 поени, 8 асистенции, Џон Колинс со 17 поени и Деандре Хантер со 16 поени.

Филаделфија Севентисиксер како домаќин ја совлада Оклахома Сити Тандер со 120:113, додека Сан Антониот Спарс беше подобар од Милвоки Бакс со резултат 126:104, нанесувајќи му го на гостинот шестиот пораз сезонава. И покрај поразот, Бакс е најуспешната екипа во НБА сезонава со 32 победи и 6 порази.

Вечер на програмата се 6 натпревари во НБА.

Резултати од синоќа одиграните натпревари:

Шарлот Хорнетс - Индијана Пејсерс 104:115

Филаделфија Севентисиксерс - Оклахома Сити Тандер 120:113

Орландо Меџик - Бруклин Нетс 101:89

Вашингтон Визардс - Бостон Селтикс 99:94

Атланта Хоукс - Денвер Нагетс 115:123

Њу Орлеанс Пеликанс - Јута Џез 126:128

Сан Антонио Спарс - Милвоки Бакс 126:104

Далас Маверикс - Чикаго Булс 118:110

Сакраменто Кингс - Голден Стејт Вориорс 111:98