Нелегалните израелски доселеници го нападнаа христијанското село Тајбе во близина на Рамала

РАМАЛА (АА) – Нелегалните израелски доселеници извршија напад врз христијанското село Тајбе, во близина на Рамала на окупираниот Западен Брег, при што беа запалени две возила и оштетени неколку домови, јавува Анадолу.

Инцидентот се случил во текот на ноќта, кога група доселеници влегле во селото и запалиле две паркирани возила, од кои едното припаѓало на христијански новинар, а другото на член на локалниот општински совет.

Покрај тоа, доселениците фрлале камења кон куќите на мештаните и нацртале навредливи графити со говор на омраза на ѕидовите на неколку објекти во селото.

Ова е еден од серијата напади од страна на израелските доселеници врз палестинските села на Западниот Брег, што ги зголемува тензиите во регионот и предизвикува дополнителна нестабилност.