Непалски шерпа го собори сопствениот рекорд искачувајќи се по 30-ти пат на Еверест

АНКАРА (АА) - Познатиот непалски водич за планинско искачување, шерпата Ками Рита, денес додаде уште еден огромен успех во низата успеси, искачувајќи се на највисоката планина во светот Монт Еверест по рекорден 30-ти пат, јавува Анадолу.

Рита пристигна до врвот висок 8.849 метри во 7:49 часот (по локално време) со својата група, зголемувајќи го сопствениот рекорд за најголем број искачувања на Монт Еверест, објави непалската веб-страница за планинарење „Еверест хроникл“, цитирајќи го Химлал Гаутам, челникот на непалската канцеларија за следење и олеснување на теренски експедиции.

Ова е негово второ искачување сезонава, по првото на 12 мај.

Познат и како „Човекот од Еверест“, Рита првпат се искачи до врвот во 1994 година, а минатата година се искачи двапати.

Во Непал се наоѓаат осум од десетте највисоки врвови во светот, а планинското искачување е главна туристичка атракција и извор на приходи, како и вработување за малата хималајска нација.