Нетанјаху тврди дека Хамас предал тело на неидентификувана жена од Газа наместо телото на Шири Бибас

АНКАРА (АА) - Израелскиот премиер Бенјамин Нетанјаху денес потврди дека палестинската група Хамас ги прекршила условите од договорот за размена на затвореници со предавање на тело на неидентификувана жена од Газа наместо телото на заложничката Шири Бибас, јавува Анадолу.

Нетанјаху вети дека Хамас „ќе ја плати целосната цена“ за, како што рече, „сериозното прекршување“ на договорот за размена на затвореници.

Хамас соопшти дека вчера според договорот за прекин на огнот во Газа и размена на затвореници ги предал телата на Бибас и нејзините две деца, Ариел и Кфир, како и телото на Одед Лифшиц.

Хамас соопшти дека израелските заробеници биле убиени во неселективните воздушни напади од Тел Авив за време на 15-месечниот геноцид во енклавата.