Нигерија: Во сообраќајна несреќа меѓу мал камион и автобус загинаа 10 лица, 27 повредени

АБУЏА

Во западноафриканската држава Нигерија, во федералната област Јобе дојде до сообраќајна несреќа меѓу патнички автобус и мал камион. Според првичните проценки, во несреќата животот го загубиле 10 лица, а 27 се повредени, јавува Агенција Анадолија (АА).

Шеху Умар, координатор на Организацијата за национална безбедност на патиштата на федералната држава Јобе, информираше дека на патот Фика - Потискум лицето што управувало со мал камион ја изгубило контролата над возилото и удрило во патнички автобус.

Умар соопшти дека според првичните проценки, во несреќата загинале 10 лица, а 27 се повредени.

Тој додаде дека меѓу повредените некои лица се во тешка здравствена состојба, изразувајќи ја својата загриженост од можноста за зголемување на бројот на починати.