Норвешки лекар: Мојот колега во Газа „е брутално убиен од Израел“

ИСТАНБУЛ (АА) - Норвешкиот лекар Мадс Гилберт истакна дека неговиот пријател, шеф на итната служба во болницата Ал-Шифа во Газа и неговото семејство биле брутално убиени во израелски напад, пренесува Анадолу.

„Мојот добар пријател и драг колега, д-р Хани ал-Хаитхам, шеф на одделот за итни случаи во Шифа, беше брутално убиен од Израел, заедно со неговата сакана сопруга, д-р Самира Гифари и нивните пет деца Ширин, Тиа, Самир, Вафа и Сара. Кукавичките израелски војници ладнокрвно убија уште седум невооружени цивили“, рече Гилберт на платформата X.

„Уште еден напад врз сите нас, врз целото човештво. Никогаш нема да бидете заборавени, ветуваме: ќе ги обновиме Шифа, Газа, Палестина!“, додаде Гилберт.

Израел го бомбардира Појасот Газа од воздух и од копно, воведе опсада и изврши копнена офанзива како одмазда за прекуграничниот напад на Хамас на 7 октомври.

Во израелските напади, според здравствените власти на Газа, загинати се најмалку 19.453 Палестинци, претежно деца и жени, а 52.286 се повредени.

Според официјални податоци, бројот на загинати во Израел изнесува 1.200, а над 130 заложници сè уште се држат од палестинската група во Газа.