Папата се состана со роднините на израелските и палестинските заробеници

РИМ (АА) - Поглаварот на Римокатоличката црква, папата Франциско, денес одвоено се сретна со роднините на израелските заробеници кои ги држи Хамас и на палестинските затвореници во Израел и повика да се стави крај на она што тој го дефинираше како „тероризам“, пренесува Анадолу.

Папата рече дека утринава примил две делегации, едната израелска делегација составена од роднините на заробениците во Газа, а другата роднини на палестинските затвореници во Израел.

„Тие страдаат толку многу, слушнав како страдаат двете страни. Војните го прават тоа, но овде отидовме подалеку од војната: ова не е војна, ова е тероризам. Молете се многу за мир. Се молиме за палестинскиот народ, се молиме за израелскиот народ, да дојде мир“, рече папата.

Папата Франциско повеќе пати повикуваше на прекин на војната и се обидуваше да ја одржи дипломатската неутралност на Ватикан во судирите. Ватикан е особено загрижен поради тешката положба на христијаните во Појасот Газа.