Burak Dağ
07 Ноември 2022•Ажурирај: 09 Ноември 2022
АНКАРА (АА) - Илон Маск порача дека Твитер ќе започне со отстранување на профилите кои се имитираат автентични профили на платформата, предупредување очигледно предизвикано од бурните реакции со кои се соочува милијардерот затоа што им го понуди синиот знак на платформата на сите корисници, јавува Агенција Анадолија (АА).
Сите профили „кои имитираат други без јасно специфицирање на „пародијата“ ќе бидат трајно суспендирани“, порача Маск вчера, откако некои познати личности ги сменија имињата на платформата во Илон Маск, во знак на протест против стандардите за верификација на новиот сопственик на Твитер.
„Претходно издадовме предупредување пред суспендирањето на профилите, но сега, кога воведуваме широка верификација, нема да има предупредување“, додаде тој.
Маск го претстави својот нов план за претплата на Твитер блу (верификувани профили) во саботата, кој ќе им овозможи на сите корисници да го добијат посакуваниот син знак со месечна претплата од 7,99 долари.
Твитер го лансира системот за верификација во 2009 година со цел да спречи лажно претставување на профилите како што се оние на познатите личности и политичарите.
Пред преземањето на платформата од страна на Маск, Твитер имаше околу 423.000 верификувани сметки, помагајќи им на 238 милиони дневни корисници да утврдат кои сметки се автентични.
„Широката верификација ќе го демократизира новинарството и ќе го зајакне гласот на народот“, напиша подоцна Маск на Твитер.
