Пожар избувна во нафтена рафинерија во главниот град на Азербејџан, Баку

ИСТАНБУЛ (АА) - Пожар избувна во нафтена рафинерија во главниот град на Азербејџан, Баку, пренесува Анадолу.

Во соопштението на Министерството за вонредни состојби се вели дека на нивната телефонска линија стигнале информации за пожар што избувнал во областа Низами во Баку.

„Во подрачјето веднаш се распоредени силите на Државната служба за противпожарна заштита при Министерството за вонредни состојби“, се вели понатаму во соопштението.

Се истакнува дека во рафинеријата во моментот на сила се мерки за гаснење на пожарот, а дополнителни информации ќе бидат достапни подоцна.

Во соопштението не е наведена причината за пожарот.