Познат датумот за парламентарните избори во Иран

ИСТАНБУЛ (АА) - Портпаролот на Министерството за внатрешни работи на Иран, Сеит Селман Самани, рече дека парламентарните избори во земјата ќе се одржат на 21 февруари 2020 година.

Според Новинската агенција на ирански студенти (ISNA), Самани нагласил: „Парламентарните избори за 11-от состав на иранскиот Парламент и предвремените избори за Собранието на експерти ќе се одржат на 21 февруари 2020 година.“

Парламентарните избори во иранскиот Парламент, кој има вкупно 290 пратеници, се одржуваат на секои 4 години, а изборите за Собранието на експерти на секои 8 години. На 5 февруари 2016 година се одржаа 5-тите избори за Собранието на експерти. Поради смртта на некои членови на Советот, ќе има вонредни избори.

Советот на експерти, чии членови се избираат директно од народот, се состои од 86 свештеници. Собранието на експерти има задачи да го назначи најважниот авторитет на Иран, „Водачот“, (Ајатолах Али Хамнеј), неговиот надзор и да избере нов „Водач“ во случај на смрт на дотогашниот.