Претседателот Ердоган разговараше по телефон со султанот на Оман, Тарик ал Саид

АНКАРА (АА) - Дирекцијата за комуникации на турското претседателство на својот профил на социјалните мрежи објави дека претседателот Реџеп Таип Ердоган телефонски разговарал со султанот на Оман, Хајтам бин Тарик ал Саид. Во објавата се истакнува дека на средбата се разговарало за конфликтот меѓу Израел и Иран, регионални и глобални прашања, известува Анадолу.

Ердоган изјави дека конфликтите што започнаа со нападите на Израел врз Иран претставуваат голем ризик за регионалната безбедност и дека регионот во никој случај не може да толерира нова војна.

Нагласувајќи дека администрацијата на Нетанјаху станала проблем за глобалната стабилност и безбедност, претседателот Ердоган истакнал дека впечатливо е тоа што нападите се случија во пресрет на шестата рунда нуклеарни преговори и дека Турција ги гледа преговорите како единствен начин за решавање на нуклеарниот спор.

Претседателот Ердоган за време на телефонскиот разговор рекол дека не треба да се дозволи неодамнешните случувања да го засенат геноцидот што Израел го врши во Газа.