При превртување на автобус во Иран загинаа десет лица

ИСТАНБУЛ

Најмалку десет лица загинаа, а 18 се повредени во автобуската несреќа што се случи во иранскиот град Исфахан, пренесува Агенција Анадолија (АА).

Патничкиот автобус, што возел на релација Техеран - Исфахан, се превртел во местото Сепахан Шахр.

Иранската државна телевизија јавува дека на местото на несреќата загинале најмалку десет лица, а дека 18 повредени се префрлени во болница.

Иран се наоѓа меѓу светските земји со најголем број сообраќајни несреќи, а главните причини се непочитување на сообраќајните правила, несигурни возила и неадекватна итна помош. Годишно во просек во сообраќајни несреќи животот го губат околу 20.000 лица.