Продолжуваат интензивните напади на израелската војска врз Газа

СДЕРОТ/ГАЗА (АА) - Интензивните напади на израелската војска, кои започнаа синоќа, продолжуваат врз блокираниот Појас Газа, особено на северот на подрајчето, јавува Анадолу.

Израел синоќа ги интензивира нападите, особено на северот на Газа.

Израелската војска со хаубици го гаѓаше северот на Газа, а потоа изврши интензивни воздушни напади.

Израелската војска погоди многу точки во Газа и непрекинато го бомбардираше регионот до утрово.

Израелската војска уште од утринските часови со интензивен оган од хаубици почна да го гаѓа северниот дел на Газа.

Дописникот на Анадолу од градот Сдерот, кој се наоѓа на израелската граница со Газа, јави дека одвреме навреме се забележуваат тенкови како се движат од израелската страна на границата.

Во регионот одвреме навреме се слушаат истрели, летаат израелски воени авиони и беспилотни летала.

Репортерот на Анадолу од блокираниот Појас Газа јави дека израелската војска цела ноќ го спроведувала „најинтензивното бомбардирање досега“, особено во центарот на градот и на северот.

Нападите на израелската војска од море, на западот на Појасот Газа, продолжуваат.

Судири се случија во крајбрежното подрачје Рафа, западно од Хан Јунис, во Појасот Газа. Конкретно, судирите продолжуваат во Беит Ханун и Беит Лахија на север.

Најмалку 7.326 Палестинци загинаа во израелските напади од 7 октомври. Според официјалните податоци, околу 70 отсто од нив се палестински жени и деца.

Околу 2,3 милиони жители на Газа се борат со недостиг од храна, вода и лекови поради масовното израелско воздушно бомбардирање и целосната блокада на енклавата.

Генералното собрание на Обединетите нации (ОН) синоќа усвои резолуција со која се повикува на итен хуманитарен прекин на огнот.