Раст на бројот на илегални премини во ЕУ во првиот квартал од 2023

ВАРШАВА (АА) - Агенцијата на ЕУ за заштита на границите, „Фронтекс“, со седиште во полскиот главен град Варшава, соопшти дека бројот на илегални премини во земјите членки на ЕУ во првиот квартал од 2023 година се зголеми за 26 отсто во споредба со истиот период минатата година, односно изнесува 54.000, пренесува Анадолу.

Според соопштението на „Фронтекс“, бројот на илегални премини на границите во 2022 година се зголемил на 330.000, што претставува највисока бројка од 2016 година досега.

Се истакнува дека Средниот Медитеран бил најмногу користена рута за премини во првиот квартал оваа година.

Од оваа рута во земјите членки на ЕУ преминале 27.651 лице, што претставува раст до 305 отсто во споредба со истиот период минатата година. Лицата кои најмногу ја користеле Средномедитеранската рута се државјани на Гвинеја, Пакистан и Брегот на Слоновата Коска.

Втора најмногу користена рута е Западниот Балкан. Бројот на лица кои ја користеле оваа рута е намален за 22 отсто, односно изнесува 14.858. Оваа рута најмногу ја користеле државјаните на Сирија и Авганистан.

Трета најмногу користена рута е Источниот Медитеран. Бројот на лица кои ја користеле оваа рута е намален за 8 отсто, односно изнесува 6.011. Оваа рута најмногу ја користеле државјаните на Сирија, Палестина и Авганистан.

„Фронтекс“ соопшти дека бројот на илегални премини во земјите членки на ЕУ во првиот квартал од 2023 година се зголеми за 26 отсто во споредба со истиот период минатата година, односно изнесува 54.000.