Русија: Во Москва маршираа околу 100.000 лица по повод 1 Мај

МОСКВА (АА) - На Црвениот плоштад во рускиот главен град Москва, се одржа марш по повод 1 Мај, Меѓународниот ден на трудот, јавува Anadolu Agency (AA).

Маршот беше организиран од различни синдикати на работници, а учествуваа околу 100.000 лица.

Учесниците во маршот во рацете носеа цвеќиња, балони, како и знамиња, и извикуваа пароли „Мир, труд, мај“, „Безбедна работа е закон за работодавачите“, и „Доволна плата, здраво општество“.

Исто така, тие побараа работа за младите, покачување на платите, како и осигурување безбедност на работните места.

По повод 1 Мај, бројни активности беа организирани низ Русија.