Русија ги советува своите граѓани во Сирија да ја напуштат земјата

ИСТАНБУЛ (АА) - Русија денес ги советуваше своите граѓани во Сирија да ја напуштат земјата, бидејќи локални извори претходно соопштија дека вооружените групи против режимот стигнале до центарот на градот Хомс, јавува Анадолу.

Во соопштението на руската Амбасада во Дамаск на Телеграм се вели дека таа ги потсетува своите граѓани на можноста да ја напуштат Сирија со комерцијални летови „поради тешката воена и политичка ситуација“.

„Амбасадата и Конзуларниот сектор продолжуваат да работат вообичаено“, се додава во соопштението.

Соопштението од Амбасадата е издадено откако локални извори претходно денес рекоа дека антирежимските вооружени групи стигнале до центарот на градот Хомс, поради неговиот напредок во пошироката провинција.

Судирите меѓу силите на сирискиот режим и антирежимските групи првпат избувнаа на 27 ноември во западните рурални области на Алепо.

До 30 ноември, опозициските сили презедоа контрола над поголемиот дел од центарот на градот Алепо и воспоставија доминација низ провинцијата Идлиб.