САД одобри продажба на 8 борбени авиони Ф-16 и потребна опрема на Бугарија

ВАШИНГТОН (АА) - Администрацијата на Бајден вчера одобри потенцијална продажба на Бугарија на осум борбени авиони Ф-16 и потребната опрема во договор кој се проценува на 1,673 милијарди долари, јавува Агенција Анадолија (АА).

Договорот вклучува четири авиони Ф-16 Ц Блок 70 и четири авиони Ф-16 Д Блок 70, како и 11 мотори Ф100-ГЕ-129Д и изобилство на опрема, вклучувајќи ракети за обука, ракети воздух-воздух и монтирани дисплеи на кацига се вели во соопштението на Агенцијата за одбранбена безбедносна соработка (DSCA).

Конгресот беше известен за продажбата вчера, започнувајќи период на законодавна ревизија.

„Предложената продажба ќе ја подобри способноста на Бугарија да одговори на сегашните и идните закани со тоа што ќе им овозможи на бугарските воздухопловни сили рутински да распоредуваат модерни борбени авиони во регионот на Црното Море“, се вели во соопштението на DSCA.

„Бугарија покажа посветеност на модернизацијата на своите вооружени сили и нема да има потешкотии да ги апсорбира овие авиони и услуги во своите вооружени сили“, се додава во извештајот.

„Локхид Мартин“, производителот на F-16, ќе биде главен изведувач на договорот.