Саудиска Арабија од Кина купува медицински материјал во вредност од 265,3 милиони долари

РИЈАД

Владата на Саудиска Арабија потврди дека од Кина ќе купи медицински материјал за дијагностицирање на новиот коронавирус (Ковид-19) во вредност од околу 265,3 милиони долари, пренесува Агенција Анадолија (АА).

Саудиската новинска агенција СПА (SPA) објави дека властите на Ријад и Пекинг потпишале договор за медицински материјали во вредност од околу 265,3 милиони долари.

Со договорот е предвидено Кина, меѓу останатото, на Саудиска Арабија да ѝ испрати девет милиони тестни комплети, како и друг медицински материјал. Исто така, ќе изгради шест лаборатории од кои една ќе биде мобилна и која ќе биде во можност да извршува 10 илјади тестови дневно.

Договорено е и да се испрати група од 500 експерти и техничари кои ќе ги работат тестовите но и ќе ги обучуваат здравствените работници на Саудиска Арабија.

СПА наведе дека власта во Ријад претходно купи тестни комплети од САД, Швајцаија и Јужна Кореја, а целта е да набават 14,5 милиони тестови.

Според податоците на Министерството за здравство, во Саудиска Арабија, со Ковид-19 заразени се 17.522 лица, а починаа 139.