Случаите на Ковид-19 на Олимписките игри во Токио пораснаа на 322

ТОКИО (АА) – Случаите на Ковид-19 кај акредитираните лица на Олимписките игри во Токио се искачија на 322, пренесува Агенција Анадолија (АА).

Организацискиот комитет соопшти дека Ковид-19 е откриен кај уште 28 лица што дошле во земјата за Олимписките игри Токио 2020.

Четворица странски спортисти кои дошле во Јапонија за Олимпијадата се меѓу 28-те лица што се заразиле со вирусот во текот на последните 24 часа.

Исто така, меѓу заразените со Ковид-19 се 2 официјални службеници и 19 лица што работеле со договор на дело.

Според соопштението, заразените се пренесени во карантин.

Со ова, случаите на Ковид-19 кај акредитираните лица на Олимписките игри во Токио се искачија на 322.