Сомнителна супстанца во американска база, хоспитализирани 3 лица

ВАШИНГТОН (АА) - Најмалку три лица се хоспитализирани откако во воената база во американската сојузна држава Вирџинија отвориле пратка со непозната супстанца, јавува Anadolu Agency (AA).

Персоналот на воената база Форт Маер-Хендерсон Хол во Арлингтон ја отвориле пратката во која се наоѓала сомнителната супстанца.

По отворањето на писмото, најмалку 11 лица се пријавиле дека се чувствуваат лошо, а три лица се хоспитализирани.

Локалните власти соопштија дека хоспитализираните лица се вон животна опасност.

Започната е истрага со цел утврдување на видот и потеклото на супстанцата која со писмо пристигнала во базата. Истрагата ја спроведува Федералното истражно биро (ФБИ) и Морнаричкиот истражен центар за криминал (NCIS).