AP
27 Февруари 2018•Ажурирај: 28 Февруари 2018
БОГОТА (АА) - Колумбиската војска соопшти дека во нападите на левичарските бунтовници на источната граница со Венецуела биле убиени најмалку пет војници, а повредени десет, јавува Anadolu Agency (AA).
Од колумбиската армија истакнуваат дека нападот се случил рано утрово, кога била активирана рачно изработена направа во близина на камионот кој превезувал војници.
Нападот се случи во близина на градот Тибу.
Војската нападот ѝ го припиша на Ослободителната национална војска (ELN), која е најголемо бунтовничко движење, по потпишувањето на мировниот договор со многу поголеми револуционерни сили во Колумбија, во 2016 година.
ЕЛН вчера објави дека еднострано ќе ги прекине сите офанзивни операции на 9 март, за кога се закажани изборите за конгресот.
Долгогодишните мировни разговори со Ослободителната национална војска (ЕЛН) оваа година беа доведени во прашање, бидејќи бунтовниците започнаа напади во Колумбија.
