Терористички напад во С. Арабија, загина еден припадник на безбедносните сили

РИЈАД (АА) - Во бомбашки напад врз патролна единица на безбедносните сили, извршена во Ел Катиф, источниот дел на Саудиска Арабија, загина еден, а повредени се двајца припадници на безбедносните сили, јавува Anadolu Agency (AA).

Портпаролот на Министерството за внатрешни работи, Мансур ет-Турки, изјави дека во текот на ноќта се случил напад во населбата Мансура.

Во нападот, кој Ет Турки го нарече терористички, загинал мајорот Тарик бин Абдуллатиф ел-Алаки.

Ранетите припадници на безбедносните сили не се во животна опасност.

Во Катиф, каде што живее мнозинско шиитско население, често доаѓа до терористички напади.