Трамп: САД ќе одговорат на иранските напади врз силите на Блискиот Исток

Американскиот претседател Доналд Трамп денес изјави дека САД ќе возвратат на Иран по ракетните и нападите со беспилотни летала врз американските сили во Јордан и Обединетите Арапски Емирати (ОАЕ), пренесува Анадолу.

„Ќе ги погодиме силно. Ќе има одговор“, изјави Трамп за „Фокс њуз“.

Тој истакна дека американските системи за противвоздушна одбрана пресретнале поголем дел од ракетите.

Според Трамп, една ракета била идентификувана како „нешто што нема да погоди ништо значајно“, поради што американските сили дозволиле да помине низ воздушниот простор.

Иранската Исламска револуционерна гарда (ИРГЦ) во раните утрински часови денес соопшти дека ги нападнала воздухопловните бази „Крал Хусеин“ и „Азрак“ во Јордан со балистички ракети, а со експлозивни беспилотни летала ја нападнала и воздухопловната база „Ал Минхад“ во ОАЕ.

ИРГЦ соопшти дека операцијата била одмазда за вчерашниот американскиот напад врз островот Ларак, за кој се известува дека имал цел да го спречи поставувањето морски мини во Ормускиот Теснец, клучна точка за транспорт на нафта.

Трамп, исто така, изрази скептицизам во однос на постигнувањето дипломатско решение, посочувајќи дека иако Техеран бара средба, актуелните американски санкции „силно стапуваат на сила“.