Dildar Baykan
20 Септември 2019•Ажурирај: 22 Септември 2019
ВАШИНГТОН
Американскиот претседател, Доналд Трамп, се состана во Белата куќа со Марк Цукерберг, основачот и извршен директор на Фејсбук, пренесува Anadolu Agency (AA).
„Денес во Овалната канцеларија имавме добра средба со извршниот директор на Фејсбук, Марк Цукерберг“, истакна Трамп на својот официјален профил на Твитер.
Трамп на официјалниот твитер-профил, исто така, сподели и фотографија од средбата со Цукерберг.
Од друга страна, во писменото соопштение на Фејсбук се нагласува: „Марк е во Вашингтон да ја слушне загриженоста на политичарите за идното регулирање на интернет и да разговара со нив. Марк, исто така, денес во Белата куќа одржа добра и конструктивна средба со претседателот Трамп.“
Претседателот Трамп често ги критикува Фејсбук и другите социјалните медиуми за негување политички предрасуди против него.
