Трамп трендовите на Твитер ги нарече нелегални и неправедни

АНКАРА (АА) - Американскиот претседател Доналд Трамп го критикуваше делот за трендови на Твитер, нарекувајќи го незаконски и многу неправеден, пренесува Агенција Анадолија (АА).

„Толку одвратно е да се гледа т.н. „Трендинг“ на Твитер, каде има многу трендови во врска со мене, а никогаш нешто добро“, напиша Трамп на Твитер. „Тие бараат сè што можат да најдат, да го направат што е можно полошо и да го преувеличаат, обидувајќи се да го направат тренд“.

„Навистина смешно, нелегално и се разбира многу неправедно!“ додаде тој.

Односот на Трамп кон Твитер се влоши во последните неколку месеци откако платформата ги обележа неговите твитови со предупредување за проверка на факти.

Во мај две од неговите објави за гласање преку пошта добија предупредување за „потенцијално погрешна информација“.

Друг твит во јуни, во кој тој упати закани во врска со протестите за Џорџ Флојд во т.н. „автономна зона“ во Вашингтон беше сокриен заради величање на насилството.

Трамп се обиде да возврати со издавање на извршен указ за одземање на одредена правна заштита на платформите на социјалните мрежи.

На Твитер, збор, фраза или тема за која се споменува поголема во поголем обем од останатите се вели дека е „тренд тема“.