Три жени повредени во напад со нож во париското метро

ИСТАНБУЛ (АА) – Три жени се повредени денес откако се избодени од маж на Линијата 3 од париското метро, објави францускиот весник „Ле Паризиен“, пренесува Анадолу.

Маж извадил нож и избодел три жени на различни станици по должината на линијата што ги поврзува општините Бањоле и Левалоа-Пере, објави „Ле Паризиен“, повикувајќи се на полициски извори.

На жртвите, кои се здобиле со полесни повреди, им е укажана лекарска помош на местото на настанот.

Осомничениот, за кој се вели дека е по потекло од Мали и роден во 2000 година, според полицијата, подоцна бил уапсен во својот дом.

Се наведува дека е исклучена можноста за терористички мотив, полицијата смета дека нападот е дело на растроено лице или со психолошки нарушено здравје.