Туркије и Израел го одржаа првиот технички состанок за спречување конфликти во Сирија

ИСТАНБУЛ (АА) - Првиот технички состанок меѓу Туркије и Израел за механизмот за спречување конфликти, чија цел е да се избегнат „несакани инциденти“ во Сирија, се одржа вчера во Азербејџан, соопшти турското Министерство за национална одбрана, јавува Анадолу.

Министерството денес додаде дека Израел мора веднаш да ги прекине своите „провокативни напади“, кои го загрозуваат територијалниот интегритет на Сирија и ја дестабилизираат нејзината безбедност и стабилност.

„За да се обезбеди регионална безбедност, Израел мора да се откаже од својот експанзионистички, окупаторски став и меѓународната заедница мора да ја спречи оваа незаконитост“, соопшти Министерството.

Министерството, исто така, додаде дека тековните илегални активности на Израел на Западниот Брег, заедно со неговиот неуспех да ги запре нападите врз регионалните земји, ја поткопуваат стабилноста и мирот во регионот.