Украина: Досегашната штета од војната со Русија надмина 100 милијарди долари

КИЕВ, Украина (АА) - Руските сили досега уништија згради, инфраструктура и други физички добра во вредност од 100 милијарди долари во Украина, соопшти вчера економскиот советник на Владимир Зеленски.

Олег Устенко рече дека војната предизвикала целосно затворање на 50 проценти од украинските бизниси.

Истакнувајќи дека преостанатите бизниси со тешкотии ги продолжуваат своите активности, Устенко рече дека загубите од 100 милијарди претставуваат половина од бруто-домашниот производ (GDP).

Тој рече дека руските средства замрзнати во странските банки, вклучително и резервите на Централната банка на Русија, треба да бидат дадени за реконструкција на Украина.

Најмалку 549 цивили загинаа и 957 други се повредени во Украина од почетокот на војната, според податоците на ОН. Но, меѓународното тело тврди дека условите на теренот ја направиле „проверката тешка“ на вистинскиот број на цивилни жртви.

Повеќе од 2,3 милиони луѓе, исто така избегале во соседните земји, според Агенцијата за бегалци на ОН.