Француските земјоделци блокираа неколку автопати за време на протестите

ИСТАНБУЛ (АА) - Земјоделците денес блокираа најмалку пет автопати во југозападна Франција, додека продолжуваат протестите против колењето на добитокот и трговскиот договор меѓу ЕУ и Меркосур, јавува Анадолу.

Протестот на француските земјоделци продолжи со блокади на неколку автопати низ југозападна Франција, според радиодифузерот БФМТВ.

Властите, според наводите, очекуваат понатамошни протести во наредните часови.

Покрај патиштата, земјоделците блокираа и железничка пруга во департманот Горна Гарона.

Тие протестираат веќе неколку денови поради владината политика за систематско уништување на стадата говеда при откривање на нодуларен дерматитис, познат и како болест „јазлеста кожа“.

Земјоделците, исто така, го изразуваат своето незадоволство од трговскиот договор меѓу ЕУ и јужноамериканскиот блок на Бразил, Аргентина, Парагвај и Уругвај (Меркосур).