Хамас го предупреди Израел поради застрелувањето на Палестинците во Газа

ГАЗА (АА) - Израелските сили застрелаа четворица Палестинци во близина на безбедносната ограда со Појасот Газа, пренесува Anadolu Agency (AA).

Израелската Армија соопшти дека четворицата мажи наводно биле вооружени со пушки АК-47, рачни гранати и ракетен фрлач на гранати и дека нивните телата се наоѓаат кај израелските власти.

Палестинската група на отпорот, Хамас, која е на власт во Појасот Газа, ги осуди убиствата, нарекувајќи ги ново израелско злосторство против Палестинците.

„Израел е одговорен за гневот и притисокот во Газа кои се резултат на блокадата“, изјави портпаролот на Хамас, Абдел-Латиф ал Кануа.

Израел и Хамас постигнаа неформален прекин на огнот во мај.

Палестинците одржуваат неделни протести во близина на границата со Израел со кои бараат ставање крај на 12-годишната израелска блокада врз Појасот Газа, која ја уништи економијата на крајбрежната енклава и ги лиши нејзините два милиона жители од основните животни потреби.

Откако започнаа седмичните протести во Газа минатата година, загинаа речиси 270 демонстранти, а илјадници беа повредени од страна на израелските трупи распоредени во близина на тампон-зоната.