Црвен крст: Бројот на исчезнати во поплавите во Либија достигна 10.000

ЖЕНЕВА (АА) - Меѓународниот комитет на Црвениот крст и полумесечина (IFRC) соопшти дека во поплавите во Либија исчезнале најмалку 10.000, јавува Анадолу.

Тамер Рамадан, шеф на делегацијата на Меѓународниот комитет во Либија, се поврза преку интернет на седмичната прес-конференција на Канцеларијата на ОН во Женева и ги изнесе проценките за катастрофата од поплавите во Либија.

Истакнувајќи дека многу луѓе се погодени од поплавите во источниот дел на земјата, Рамадан рече дека Либија има итна потреба.

Соопшти дека бројот на исчезнати лица во Либија се искачил на 10.000 и дека до тие информации дошле преку независни извори.

На прашањето на новинарот на Анадолу, Рамадан рече дека бројот на загинати како последица на поплавите во Либија изнесува илјадници, но не даде попрецизна бројка.