Чадот од шумските пожари во Сибир за прв пат стигнаа до Арктикот

АНКАРА

Чадот што се издига од шумските пожари во рускиот Сибирски Регион стигна до Северниот Пол за „првпат во историјата“, пренесува Агенција Анадолија (АА).

Според вестите на „Гардијан“, сателитските снимки објавени од американската Авијациска и вселенска агенција (НАСА) покажуваат дека чадот од пожарите во руската област Јакутија стигнал до Северниот Пол со поместување за повеќе од 3 илјади километри, за прв пат во историјата.

Руските метеоролози предупредија дека пламенот може да се зголеми уште повеќе.

Од друга страна, еколошките организации реагираат на законот што не дозволува интервенција во пожар доколку трошоците за гаснење пожари кои не ги засегаат населените места не се поголеми од настанатата штета.

Во пожарите што започнаа во Сибирскиот Регион во јули, околу 3 милиони хектари шумска површина досега стана пепел, а властите прогласија вонредна состојба во регионот.

Во соопштението на Сојузната шумарска агенција на Руската Федерација се нагласува: „Заклучно со 10 август, шумските пожари продолжуваат на вкупна површина од 1 милион 572 илјади хектари на 196 точки. 111 од пожарите се во регионот Јакутија, а 27 се во регионите Иркутск.“

Меѓувладиниот панел за климатски промени (IPCC) при Обединетите нации (ОН) во својот нов извештај предупреди дека климатските промени „се шират, забрзуваат и засилуваат“.