Јапонија во 2025 година забележа рекорден број самоубиства кај деца

ИСТАНБУЛ (АА) – Јапонија во 2025 година забележа рекорден број самоубиства кај деца, втора година по ред, пренесува Анадолу.

Прелиминарните владини податоци покажуваат дека бројот на деца кои починале како последица на самоубиство во 2025 година се искачил на 532, што е за три повеќе од минатата година, објави новинската агенција Кјодо од Токио.

Највисокиот број откога податоците станаа достапни во 1980 година е достигнат и покрај вкупното намалување на самоубиствата во земјата, при што вкупниот број луѓе кои си го одзеле животот изнесува 19.097, што е под 20.000 лица за првпат.

Бројот на деца кои си го одзеле животот останува над 500 секоја година од почетокот на пандемијата со Ковид-19.

Во 2025 година, 352 ученика од завршна година во средно училиште извршиле самоубиство, 170 ученици од 7. до 9. одделение и 10 ученици од останатите одделенија од основните училишта.

Според полот, меѓу нив има 277 девојчиња и 255 момчиња, а како клучни фактори за самоубиство кај децата наведени се училишните, семејните и здравствените проблеми.

Бројот на самоубиства на 100.000 жители изнесува 15,4, што е за 1 помалку во однос на претходната година.