Јапонија: Убиена мечка која поминала два дена во супермаркет

АНКАРА (АА) – Во Јапонија денес е фатена и убиена мечката која помина два дена во супермаркет, објави „Кјодо њуз“, пренесува Анадолу.

Властите користеле мед, јаболка и леб како стапица, а мечката била фатена во складиште на задниот дел од супермаркетот лоциран во главниот град на префектурата Акита.

Мечката, која се гостела во делот за месо, влегла во супермаркетот во саботата наутро, кога персоналот се подготвувал за почетокот на работниот ден.

47-годишен маж од вработените е нападнат од мечката и се здобил со повреди на лицето и на други места по телото, информираат од полицијата.