Јемен: 16 припадници на Хусите убиени во американско-британските напади

АНКАРА (АА) - Најмалку 16 Јеменци загинаа, а повеќемина се повредени како резултат на американските и британските напади врз градот Ходеида во Западен Јемен, објави денес телевизијата на Хусите, Ал Масира, пренесува Анадолу.

Во веста се додава дека 35 лица биле ранети во американските и британските напади врз гувернерството Ходеида синоќа.

Во меѓувреме, водачот на движењето Абдул-Малик ал-Хуси изјави: „Оваа брутална агресија против Јемен е казна за неговата поддршка на Газа.“

Вчера американските и британските сили извршија напади врз 13 позиции на Хусите во Јемен „во самоодбрана“, соопшти Централната команда на Соединетите Американски Држави (ЦЕНТКОМ).

Јеменското движење на Хусите ги гаѓа товарните бродови поврзани со Израел во Црвеното Море во знак на солидарност со Појасот Газа, кој е под израелски напад од 7 октомври минатата година.

Црвеното Море е еден од најчесто користените поморски патишта во светот за испорака на нафта.

Претходно годинава американскиот секретар за одбрана Лојд Остин најави мултинационална мисија, Операцијата Просперитет Гардијан, за спротивставување на нападите на Хусите.