СП во скијање: Спуст во знак на простувањето на Свиндал

АРЕ (АА) - Норвежанецот Аксел Лунд Свиндал се простува од скијањето на денешниот спуст на Светското првенство кое се одржува во Аре, Шведска, пренесува Anadolu Agency (AA).

Норвешките обожаватели, меѓу кои и принцот Хакон и принцезата Мете-Марит, патуваат преку границата за да го проследат последниот спуст на Свиндал пред неговото повлекување од скијањето.

Двојниот олимписки шампион и петкратен светски шампион во Аре ќе се обиде да стане првиот скијач во светот кој трипати по ред победува во спуст на светско првенство, по освоениот златен медал во Аре во 2007 година, и во Шладминг, Австрија, во 2013 година.