Турскиот Вакифбанк се пласира во финалето на ЦЕФ одбојкарската Лига на шампиони за жени

АНКАРА

Турскиот женски одбојкарски клуб Вакифбанк во реванш-средбата од полуфиналето на ЦЕФ одбојкарската Лига на шампиони во женска конкуренција со резултат 0:3 го совлада италијанскиот претставник Унет е-ворк и се пласира во финалето, јавува Агенција Анадолија (АА).

Вакифбанк на првиот натпревар на домашен терен загуби со 2:3, но затоа на гостувањето на противниците не им даде ниту еден сет и ги совлада со 0:3 (по сетови 13-25, 15-25, 15-25).

Женскиот одбојкарски клуб Вакифбанк досега четирипати е победник во ЦЕФ Лигата на шампиони, за последен пат во 2018 година, а ова ќе биде негово деветто финале.

Вакифбанк во финалето ќе игра против италијанскиот претставник Имоко Волеј. Натпреварот ќе се игра на 1 мај.