Формула 1: Викендов се вози за Големата награда на Сингапур

АНКАРА (АА) - Формула 1 треска ќе го зафати Сингапур викендов каде што во Марина Беј во недела ќе се вози 16. трка, јавува Анадолу.

Составена од 62 круга, трката за Големата награда на Сингапур ќе се вози на патеката Марина Беј Стрит, долга 4,94 километри.

Еден ден пред неделното Гран при ќе се одржи квалификациската фаза.

Холанѓанецот Макс Верстапен од Ред Бул Рејсинг има извонредна сезона победувајќи на 12 трки од кои во 10 победи едноподруго.

Во претходната трка на италијанска Монца, Верстапен (25) ја постигна својата десетта последователна победа и го засени рекордот поставен во 2013 година од Германецот Себастијан Фетел.

Ред Бул Рејсинг оваа година има совршена сезона благодарение на доминацијата на Верстапен.

Неговиот тимски колега Мексиканецот Серхио Перез победи во две трки за Ред Бул - Големата награда на Саудиска Арабија и Големата награда на Азербејџан во пролетта 2023 година.

Во мај Ф1 ја откажа Големата награда на Емилија Ромања, шестата трка во сезоната, поради поплавите во Северна Италија.

- Први пет возачи на табелата во сезоната 2023 -

1. Макс Верстапен (Холандија): 364 поени

2. Серхио Перез (Мексико): 219

3. Фернандо Алонсо (Шпанија): 170

4. Луис Хамилтон (Велика Британија): 164

5. Карлос Саинц (Шпанија): 117

- Тимови -

1. Ред Бул Рејсинг: 583

2. Мерцедес: 273

3. Ферари: 228

4. Астон Мартин: 217

5. Мекларен: 115