Формула 1: На ред трката за Големата награда на Британија

АНКАРА - Во рамките на ревидираната натпреварувачка сезона 2020 во Формула 1, поради пандемијата на новиот тип коронавирус, в недела се вози 4. овогодишна трка - Големата награда на Велика Британија на патеката Силверстон долга 5,8 километри, сместена во регионот Нортхемптоншир, јавува Агенција Анадолија (АА).

Натпреварувањето за полпозициите ќе се одржи в сабота со почеток во 15:00 часот, а трката е закажана за в недела, 2 август, со почеток во 15:10 часот. Победник на трката за Големата награда на Британија ќе биде возачот кој најбргу ќе ги извози 52-та круга на патеката Силверстон.

И петтата трка од оваа сезона во Формула 1 ќе се одржи на патеката во Силверстон на 9 август.

Досега возачот на Мерцедес, Британецот Луис Хамилтон, двапати се искачи на подиумот како победник, а еднаш неговиот клупски колега Валтери Ботас.

Табела на петтемина најуспешни возачи и тимови во Формула 1 пред трката за Големата награда на Британија:

- Пласман на пилоти

1. Луис Хамилтон (Велика Британија) - 63 поени

2. Валтери Ботас (Финска) - 58 поени

3. Макс Верштапен (Холандија) - 33 поени

4. Ландо Норис (Велика Британија) - 26 поени

5. Александер Албон (Тајланд) - 22 поени

5. Серхио Перез (Мексико) - 22 поени

- Пласман на тимови

1. Мерцедес - 121 поен

2. Ред Бул - 55 поени

2. Мекларен - 41 поен

4. Рејсинг Поинт - 40 поени

5. Ферари - 27 поени